Кейбір ата-ана баласының артық салмағын ойын-күлкіге айналдырады. Қалжың есебінде айтылған сөздер баланың көңіліне ауыр тиеді. Бұл сізге «жай ғана ойын» болғанымен, балаңыз үшін ауыр соққы. Себебі әрбір бала үшін ата-ана – дүниедегі ең жақын адамы, қорғаны.
Сонымен қатар балаға сымбатына көңілі толмайтын ата-ананың іс-әрекетінің де әсері мол. Анасы үнемі калория санап, айнаға қарап, өзін «толықпын» деп сөгетін болса, қызы да бұл әдетті бойына сіңіреді.
Қазақ - қашанда қызын қадірлеген халық. «Қыз – қонақ» деп білген дана бабаларымыз қыздарын еркелетіп өсірген. Еркелету дегеніміз - бетімен жіберу емес, керісінше қыз баланың жүрегіне мейірім жылуын сіңіру. Ал, адамның жүрегіне жылылықты біз кітаптан оқып емес, нақты бір амалдар арқылы кіргіземіз.
