Сіздерге пайдалы бір нәрсе: Егер бір істі қолға ала алмай жүрсеңіз, сол істі өзіңізді қинап жиырма бір күн істеңіз, жиырма бір күннен кейін сол іс сіздің дағдыңызға айналады. Етіңіз үйреніп кетеді. Мысалға атап айтсақ:
\Әлеуметтік желіге кірмей ақ, қойыңыз, сол почта құрғырды тексермей ақ жата салыңызшы ұйқыға. Ешкімнің де, сіздің де ештеңеңіз кетпейді. Қатты сағынған, керек қылған адам қалай болса да сізді өзі тауып алады. жиырма бір күннен кейін сіз әлеуметтік желіден бостандығыңызды алып шығасыз да, егеменді, тәуелсіз, уақыты көп адам боласыз! Керемет өмір емес пе?!
\Құраннан бір абзацтай аят оқып көріңіз күнде. Жиырма бір күннен соң, сіздің тіліңіз жақсы икемделіп кетеді. Онымен қоса аят білгеннің артықтығы жоқ.
\Ағылшын тілінен күнде бір сөз жаттаңыз. Жиырма бір күнде, жиырма бір сөз. 365 күнде 365 ағылшын сөзін меңгердіңіз. Эйнштейннің еврей болғанымен, кітапты ағылшынша оқу үшін небары үш жүз ақ сөз білген. Ал сіз одан алпыс бес сөз асып түсесіз!
\Таңғы жаттығу.
\Күнде бір адамға өзі білмейтіндей жақсылық жасау.
\Ерте жатып, ерте ояну!!!
Міне, 21 күн қиналсаңыз, жиырма бір күнде сіз өзіңізді жақсы жаққа бұра аласыз. Бұлар тым қарапайым. Бірақ барлық нәрсе қарапайымнан басталады ғой. Сен мың шақырымды жүргің келсе, алдымен бір адым жасауың керек деген сияқты.
Адамзат баласы неге намаздағы сүрелерді тез жаттап алады десеңіз, оны күнде бес рет қайталайды. Жиырма бір күнде жүз бес рет... Сол үшін намаз оқығанда судыратып айтып бере аламыз.