Жаңа жылдың бас кейіпкері Аяз ата-Санта Клаус діндар Әулие Николайдың (Николай Чудотворец) прототипі. Христиандардың діни тұлғасы теңізші, саудагер, балалардың қамқоршы-пірі саналады. Батыс мемлекеттерінде балалар қасиетті әкейді ұмытпасын деп оның атынан 6-желтоқсанда (көз жұмған күні) сыйлық тарату бағзыдан бар. Бұның өзі-уағыз. Кейін сыйлық тарату католиктер атап өтетін Иса пайғамбардың туған күні қарсаңына 24 желтоқсанға ығысқан. Бұл мерекені провославтар 7 қаңтарда атап өтеді. Сондықтан екі рождествоның ортасындағы Жаңа жылдың діни бояуы қалыңдай берген. Негізі 1 қаңтар Юлий Цезарь енгізген юлиан күнтізбесі бойынша - жыл басы. Ал григориандық күнтізбе тек 16 ғасырда қолданысқа енді. Күнтізбені жасаған күн системасын зерттеген ғалымдар, тек атауы соны енгізуге рұқсат берген Папаның есімімен аталып кеткен… Шыршаның да дінге қатысы шамалы. Иса с.ғ.с туған Назаретте шырша өседі деп ешкім айта алмас…
Тағы бір айтатыны Наурыз мерекесі. 1 қаңтардан жерінген кей ағайын «Наурыз-мұсылмандар жаңа жылы» деп ұрандап жүр. Наурыз – жер емген халықтар мерекесі. «Тірі өліні» жеңетін, жер қайта көктейтін, күн мен түн теңесетін мерекені атап өтетіндер арасында мұсылман, христиан, буддашы халықтар да бар. Былайша айтқанда Наурыз жалпы адамзаттың жаңару, ізгілік жаңа жылы. Ізгілікке ұмтылсақ, сол кезде атап өту керекпіз. Басты себеп осы болса керек, діни астар емес…@Серік Әбікен
